Musica Classica/Sub olea pacis et palma virtutis
 Index |
Stabat Mater, Dvorak  |
Sub olea pacis et palma virtutis
conspicua orbi regia Bohemiae Corona:
Melodrama de Sancto Wenceslao
Ioannes Dismas Zelenka ZWV 175
1. Symphonia
2 . Chorus
Fortitudo: Fortitudo mea et laus mea Dominus factus est mihi in salutem. Iste Deus meus, glorificabo eum. (Ex 15,2)
Chorus: Dextera tua, Domine, percussit inimicum et in multitudine gloriae tuae deposuisti adversarios tuos. (Ex 15,6-7)
3. Aria
Fortitudo: Haec coeli est victoria causae, triumphat aequitas, Martis perennet Gloria, prostrata est Gentilitas.
4. Recitativo
Suspitio: Hem! Quae ista? Fastus, an Pietas? Fortitudo? An Temeritas? Est, est Ambitio, est Aemulatio. Sed quam exuit, substitutio larvam Arrogantiae.
Zelus Eucharisticus: Quo tendis, adversa Suspitio? Quo prodis, larvae indicio? Abscede, abscede, recede.
5. Aria
Zelus Eucharisticus: En! Pietatis adamas invicta Fortitudo, non praevalet adversitas, nulla vicissitudo.
6. Recitativo
Majestas: Dura certamina honorum sunt praeludia. Premitur, non opprimitur Innocentia. Majestas coronet Virtutem, Virtus illustret Majestatem.
7. Aria
Majestas: Huc palmas deferte, coronas afferte, huc palmas deferte, coronas, palmas, coronas, palmas deferte. Sceptra ministrate, ostrum adaptate, insigne potestatis infractae, infractae, infractae Pietatis, infractae Pietatis.
8. Recitativo
Fortitudo: Haec summa Gloriae fugere Gloriam coronae. Si Honor Fortitudinis regnare nolle, cum possis; nec nisi aether condigne Virtutem praemiat.
Providentia Divina: Diadema regni in manu Domini … (Is 62,3) dabitur haereditas his, qui ei proximi sunt. (Num 27,1 1)
9. Aria
Providentia Divina: Augusta domus Austriae, nata posteritas de Venceslai sanguine, sit diadema regium pignus haereditarium, tuae Prosapiae...
10. Aria
Alto: I, Phoebe, umbras pelle, in toedas ite, stellae, triumpho ministrate, caeli pulillae, lucis favillae, ignes festivos date.
11. Recitativo
Fides: En, en Fidei aemula jacet superstitio, inimica pacis devicta tacet. In petra stat Religio, basim fundat in caelo.
12. Aria
Fides: Huc Virtutes festinate, huc fragmenta coaptate … Putatum lolium cedit in spolium nostrae Victoriae, perennis, perennis gloriae.
13. Chorus
Virtutes reliquae: Eja, de figmentis Colossum paramus, Penatum fragmentis trophaeum levamus, jam Falsitas tacet, Impietas jacet.
14. Recitativo
Pietas: Eja, Pietati comes Religio fortunet iter Ducis in honorem.
Religio: Tecum pedisequa Triumpho Clientis praestabo decorem.
15. Aria
Pietas & Religio: Jam calle secundo, honoris faecundo progredere, progredere, progredere, progredere Dux; Augusti favoris, Augusti favoris, Augusti favoris exorere, Augusti splendoris exorere, exorere Lux, Regalis splendoris exorere, exorere Lux.
16. Ritornello
17. Recitativo
Pietas: Nunquid non messis tritici est? (7 Sam 12,17)
Religio: Implebuntur areae frumento et redunda[bu]nt torcularia vino. ( Ioel 2,24)
18. Aria
Pietas: Meto culmos, lego spicas …
Religio: … et in botros mitto sicas …
Pietas & Religio: … Divino pro mysterio, Theandri sacrificio.
Pietas: Hoc messilegium avitae Pietatis …
Religio: … fit in praefagium regalis dignitatis …
Pietas & Religio: … prosapiae Austriacae Zelotis Eucharisticae …
19. Recitativo
Justitia Divina: Quicunque glorificaverit me, glorificabo eum. (Reg 2,30 ) Quoniam in me speravit, liberabo eum. (Ps 90,14)
20. Aria
Justitia Divina: Angelicae mentes, adeste frequentes, … veloces ite in Aulam Curiae et praepedite, et praepedite, praepedite labem … injuriae. Sceptris glorificabo, corona decorabo Zelotem meae gloriae...
21. Chorus Angelorum
Chorus Angelorum': En, prompti ad mandata praestamus imperata …, in thronum levamus depressam Pietatem,
ad sceptra vocamus defensam Veritatem …
22. Aria
Angelus: Ave, Deus, ave, redite, ave, Deus recondite sub panis velamento, … ave, ave, Emanuel abscondite in tanto, tanto Sacramento... Fit homo consanguineus (quod Angelo negatur) tibique concorporeus, in Deum transformatur, …
23. Recitativo
Tenore: Proh! Quae aeris inclementia subitos noctis inducit moerores? Quam densa nubes
Augustos inumbrat fulgores! Infesta caligo diem nobis eripit serenam.
24. Aria
Tenore: Veni, Auster lux perennis, … subi Polum cito pennis; noctem elimina, orbem illumina … Jam Zephyris fecundis pelluntur nubila, tot radiis jucundis, jucundis applaudant, … jubila
25. Recitativo
Sapientia Divina: Per me Reges regnant, per me principes imperant. (Prov 8,15.16)
Providentia: Omnes viae tuae paratae sunt et tua judicia in Providentia posuisti. (Judith 9,5)
26. Aria
Sapientia: Exurge ... Providentia, fac nostra de sententia... Sepone ... sceptrum regium pignus haereditarium Habspurgicae propagini, Venceslaiano sanguini.
27. Recitativo
Providentia: Corona Gloriae in manu Domini, (Is 62,3) haereditabunt earn electi mei. (Is 65,9)
28. Aria
Providentia: Hue, coeli Principes, Divum municipes, festinate, sceptrum cum diademate Austriaco de stemmate Augustis nepotibus piisque zelotibus asservate.
29. Aria
Alto: Reviresce, effloresce, pads olea, ne sit infestus Bellonas aestus, expande folia. Felicibus auspiciis perfruere deliciis, felix Bohemia, sub umbris delitesce, his regibus quiesce, dies tranquilitatis tuae fidelitatis larga sunt praemia.
30. Recitativo
Musicus: Aptate tympana, fides et organa, hilares plausibus tubas adomate. Huc phonasci, huc choraulae, plectris et vocibus recreate penates aulae.
31. Aria
Musicus: Vive, regna, Ferdinande, sceptri haeres adorande, princeps invictissime, virtute supema protectus guberna, regum clementissime.
32. Aria
Basso: Nova gaudia, nova jubila intonate, decantate Pacis praeludia. Nutrita Pietate, munita aequitate gens pia gaude, Czechia, plaude, plaude inter tripudia.
33. Aria
Soprano: En duplo sole Czechia dies vivit serenos, annos inter hilaria Pacis adeptae plenos; Civem amor, hostem Timor trahit in obsequium, tali rege stringi lege suave est delicium.
34. Recitativo
Eja! Eja votivi omnia secundent plausus! Augusta Fortitudo et Constantia paganae tyranidis subvertit monimenta.
35. Aria
Tenore: Exsurge Martis Gloria pro Caesaris Victoria, ad Caroli imperium, Elisabeth obsequium.
36. Chorus
Chorus: Vos Oriens adoret et Occidens honoret. Augusti vivite et gubernate, felices regite et triumphate, Musas dementias Pragenas fovete, Augustas gratias Augusti favete.