Postquam regit modum indicativum et est cum

tempore perfecto

Plerumque postquam est cum tempore perfecto, id est cum tempore absoluto:

...postquam in dies dolores accrescere febresque accessisse sensit, Agrippam generum ad se accersi iussit w:Cornelius Nepos, Atticus, cap. 21.
Postquam id animum advertit, copias suas Caesar in proximum collem subduxit ... s:Commentarii de bello Gallico - Liber I
Eo postquam Caesar pervenit, obsides, arma, servos qui ad eos perfugissent, poposcit. s:Commentarii de bello Gallico - Liber I
Postquam omnes Belgarum copias in unum locum coactas ad se venire vidit neque iam longe abesse ab iis quos miserat exploratoribus et ab Remis cognovit, flumen Axonam, quod est in extremis Remorum finibus, exercitum traducere maturavit atque ibi castra posuit. s:Commentarii de bello Gallico - Liber II
Quod postquam barbari fieri animadverterunt, expugnatis compluribus navibus, cum ei rei nullum reperiretur auxilium, fuga salutem petere contenderunt. s:Commentarii de bello Gallico - Liber III

tempore plusquamperfecto

Postquam est cum tempore plusquamperfecto modi indicativi si distantia temporalis ad actionem sententiae capitalis ablativo mensurae temporali exacte indicatur.

...nono anno, postquam in Hispaniam venerat, in proelio pugnans adversus Vettones occisus est. w:Cornelius Nepos, Hamilcar, cap. 4
Huc ut rediit, rex factus est, postquam praetor fuerat, anno secundo et vicesimo. w:Cornelius Nepos, Hannibal, cap. 7
...anno tertio, postquam domo profugerat,... w:Cornelius Nepos, Hannibal, cap. 8
Isdem rursus vestigiis situm est, postquam interiecto quadringentorum quindecim annorum spatio L. Scipione C. Norbano consulibus flagraverat. s:Historiae (Tacitus) - Liber III, LXXII

aut tempore praesenti aut tempore imperfecto vel tempore plusquamperfecto

Si status vel durationem in sententia laterali cum postquam describitur tempus est aut praesens, si status etiam nunc est vel adhuc durat, aut imperfectum vel plusquamperfectum, si status fuit vel tempore praeterito duravit:

Tempus praesens

Quae postquam firma suique roboris esse videt, terras hominumque labores perspicit. Publii Ovidii Nasonis s:Metamorphoseon - Liber II
Funeribus fessi postquam mortalia cernunt temptamenta nihil, nihil artes posse medentum, auxilium caeleste petunt ... Publii Ovidii Nasonis s:Metamorphoseon - Liber XV
Haec ferociter locutus, postquam perstare in perfidia Classicum Tutoremque videt, verso itinere Novaesium concedit. s:Historiae (Tacitus) - Liber IV, LVII
...postquam maiorem legionum partem in officio vident, de sententia legati statuunt tempus,... Taciti s:Ab excessu divi Augusti (Annales) - Liber I, IIL
Postquam vero nationes in familiis habemus, quibus diversi ritus, externa sacra aut nulla sunt, conluviem istam non nisi metu coercueris. Taciti s:Ab excessu divi Augusti (Annales) - Liber XIV, XLIV

tempus imperfectum

Labienus, postquam neque aggeres neque fossae vim hostium sustinere poterant, coactis una XL cohortibus, quas ex proximis praesidus deductas fors obtulit, Caesarem per nuntios facit certiorem quid faciendum existimet. Commentarii de bello Gallico - Liber VII
Postquam in conspectu Padus et nox adpetebat vallari castra placuit. s:Historiae (Tacitus) - Liber II
Haec ferociter iactando, postquam immissis lictoribus Valens coercere seditionem coeptabat, ipsum invadunt, saxa iaciunt, fugientem sequuntur. s:Historiae (Tacitus) - Liber II
...postquam merces proditionis aut bellum ostendebatur, fluxa, ut est barbaris, fide pactus Aniceti exitium perfugas tradidit,... s:Historiae (Tacitus) - Liber III, XLVIII
Domitianum, postquam nihil hostile metuebatur, ad duces partium progressum et Caesarem consalutatum miles frequens utque erat in armis in paternos penatis deduxit. s:Historiae (Tacitus) - Liber III, LXXXVI

tempus plusquamperfectum

Infecit ea tabes legionum quoque et auxiliorum motas iam mentis, postquam vulgatum erat labare Germanici exercitus fidem. s:Historiae (Tacitus) - Liber I
igitur duobus militibus, altero legionis quintae, altero e Galli auxiliaribus, per lasciviam ad certamen luctandi accensis, postquam legionarius prociderat, insultante Gallo et iis qui ad spectandum convenerant in studia diductis, erupere legionarii in perniciem auxiliorum ac duae cohortes interfectae. s:Historiae (Tacitus) - Liber II
...et postquam regnum in formam provinciae verterat,... s:Historiae (Tacitus) - Liber III, XLVII
At Romae senatus cuncta principibus solita Vespasiano decernit, laetus et spei certus, quippe sumpta per Gallias Hispaniasque civilia arma, motis ad bellum Germaniis, mox Illyrico, postquam Aegyptum Iudaeam Syriamque et omnis provincias exercitusque lustraverant, velut expiato terrarum orbe cepisse finem videbantur. s:Historiae (Tacitus) - Liber IV, III
Dein postquam inanem animum spe et cupidine impleverat, viris abolet... s:Historiae (Tacitus) - Liber IV, XXXIX

Grammatica Latina/postquam

Index